Saltar para: Post [1], Pesquisa e Arquivos [2]

Anilton Levy



Sexta-feira, 13.02.15

Poemas para dia dos Namorados

dia-dos-namorados_diaa Anilton Levy poemas.jpg

Poemas especiais para dia dos Namorados

 

Karta de amor

Hoje
Hoje mas ki onte
Nkre sta na bu ladu
txiga na mi antis note
Fazen xinte amadu

Teneu é nha sorte
Un beju doci nteni pan dabu
Vive sen bo é nha morte
Nskrevi poemas pan diclarabu

Nha odju dja kre odjabu
Tudu oras ki sol odja tera
Nha boka dja kre bejabu
Tudu ora ki mar beja areia
Nha brasu dja kre brasabu
Tudu oras ki note abrasa dia

Djan kré un beju di bo
Pa matan nha sedi
Soriso di bo ta alegra nha dia
Sodadi di bo ta dexan sen suporte
Sen bo mi é só, sima sol
Sen sul, sen norte

Nscrevi karta de sodade bo
Modja ku lagrimas di nha dor
Npapia ku lua, lua papia ku bo
É so sodadi ki djan ten amor
...
Anilton Levy

 

NHA KRETXEU

Palavras ta faltan alvez
Txeu bes ndexa di flau
Nkre pa bu sabi dibez
É bo y ninguen mas

Longi bo nha vida é triste
Sen bo nka sabi vive nau
Nta amau, nka ta diziste
Amor é u kin ten pan dau

Na bu ladu tudu é bunito
Nkre dau, mar, lua y ceu
Mas bu sabi, é ka di meu
Nton nta dau um beju infinito
Bu sabi bo é nha kretxeu

Nkreu otra bes
Nen si for pa ultimu bes
E pa nunka mas nperdeu

Na dia ki bu nansi
Sol ka mutu brilha kel dia
Bu toma metadi de se luz

Dia ki bu beleza discarapi di ceu
Ceu perdi mas um strela
Tera fortalesi
Nhas odjus agradesi
...
Anilton Levy

 

Dexan flau ma:
Si na nha petu kai lagua
Bu sorizu ki ta bebel
Si na nha boka falta palavras
Bu boka ki prendel

Na bu odju
Nkre odja
Nha odju

Nkre korda
Y odjau na nha ladu

Bu beju é doci
Bu dor é nhas lagrimas
Bu soriso é nha alegria

Bó na mi ta alimentam
Sem mi na bó ta matam

Nkre disliza nha mo
Na kurvas di bu korpu
Y fazi nansi na bo
Kurva mas bunitu des mundu
Bu sorizu

Di mi pa bo é céu
ku estrela ta brilha
é jardin xeio de flor
é amor k nanci na nhas odjos
y mora na nha coração
é céu, é estrela é lua
é tudo ki mundo tem de midjor

Anilton Levy

Autoria e outros dados (tags, etc)

por Anilton Levy às 11:53



Mais sobre mim

foto do autor


Pesquisar

Pesquisar no Blog  

Deixa Perguntas


buy livro Alma, Amor e Arte

ebook de poemas de Anilton Levy


calendário

Fevereiro 2015

D S T Q Q S S
1234567
891011121314
15161718192021
22232425262728






on facebook