Saltar para: Posts [1], Pesquisa e Arquivos [2]

Anilton Levy



Quarta-feira, 27.03.13

Mudjer di Cabo Verde

 

Mudjer di Cabo Verde

Mudjer di cabo verde
Mudjer di nha tera
Mudjer di verdade
Mudjer di paz y guera

 

Mudjer sem medu
Ta corda sedu
Ta durmi so dipos di si fidju
Ta labuta tudu dia
Ta fazi possivel e imposivel
Pa ka falta pom-di-kada-dia

 

Mudjer ki luta
Triste di kes ki ka bai skola
Ki sufri na mó di maridu
Ki leba bafata
Pa ka papia,
Pa obi y obedece
Sera ki skravatura inda ka kaba?

 

Mas ku tempu bu rivolta
Bu ka larga panela
Mas bu pega na caneta
Bu labanta rostu
Bu grita
Pa mundu obi ma bu tem voz
Bu txora
Pa xintindu ma bu tem sentimento
Bu fidju bu educa
Pa ser midjor ki bo
Bu konkista igualdade
Mesmu ku dificuldade
Hoje bu podi gosa liberdade

 

So na ora di parto
Kim kre pa bu xinti dor
Bu ka mereci sufri
Bu nanci pa dá y recebi amor

 

Hoje bu podi realiza sonhu
Ki bu sunha onti
Bu podi ser kel ki bu kré
Pamodi si omi é kel ki el é
É graças a bo


espero que no coração do homem tenha amor,
para que em vez de lágrimas ofereça-te uma flor

Anilton Levy

 

Autoria e outros dados (tags, etc)

Tags:

por Anilton Levy às 10:00

Segunda-feira, 18.03.13

Mulher (video poesia)


Anilton Levy - Mulher (video poesia)

MUDJER, poesia em criolo.

Autoria e outros dados (tags, etc)

por Anilton Levy às 10:23

Quarta-feira, 13.03.13

Luta pa Liberdade_ Mês de Março é mês da poesia

Luta pa Liberdade

Palavra kria mágua
Mágua pasa lentu
Pensamentu kria rivolta
Pé finkadu na txon
Dor di alma, dor di corpu
Dor diskansadu
Tenpu ki pasa lentu
Morti injuriadu
Sodadi volta na tenpu
Tenpu perdi kaminhu

Angústia ultrapasa injúria
Língua tranka na kunpanheru
Tradison bira mas forti
Na tenta ser forti durba forti
Sangui diramadu sen medu
Medu tropesa na speransa
Sperança Trufudja na atitudi
Atitudi ronba lágua
Lágua corta corenti
Tristeza diskarapi di alma

Nôs laço ta ultrapasa ses paso
Movimentu di guera bira gestu di dansa
Melodia di ordem frakise ku txabeta
Tereru spludi di alegria
Cintura treme di emoson

oxi es ta djobi nu ta djobi es ta fla nu ta fla
Ricorda pasadu é triste
Obriga volta pa pasado é crime...

Anilton Levy

 

Autoria e outros dados (tags, etc)

por Anilton Levy às 12:44

Quinta-feira, 07.03.13

Mulher é especial

 

Mudjer

 

Um dia pa bo, e poku

Bo e sinonimo di vida

Um obrigadu pa bo, e nada

Nada era bo pa mundo

Goci bo e tudo pa mundo

 

Bu rakatxa ti ki bu konsigi bu lugar

Bu lugar, bu ka furta,

Nem bu ka pidi inpristadu,

Bu conkista...

 

Um bez, bu ka tinha vez y nem voz

Goci bu voz ta da eku

Bu atitudi e obra

Bu paso ta aplaudidu

Mudjer di coragi, sem medu

 

Bu prova ma bo e ka sexo-fragil

Bo e forti y determinada

Sensivel, bu meresi ser amada

 

Bu ka meresi txora

Ka bu txora nem na brinkadera

E tristi odjou ta sufri

Bu soriso pa fora e nha alegria pa dentu

Bu tristeza pa dentu e nhas lagrimas pa fora

Tem mas... mas bo e mas du ki ntem pam flau

 

Anilton Levy

Autoria e outros dados (tags, etc)

por Anilton Levy às 10:08


Mais sobre mim

foto do autor


Pesquisar

Pesquisar no Blog  

Deixa Perguntas


buy livro Alma, Amor e Arte

ebook de poemas de Anilton Levy


calendário

Março 2013

D S T Q Q S S
12
3456789
10111213141516
17181920212223
24252627282930
31






on facebook